Pas publikimit të “3EP” Elvana Gjata paralajmëroi hitin e rradhës me reperin më në zë të momentit Ty Dolla Sign. “Off Guard” I këngëtares shqiptare ka qënë në qendër të vëmendjes në median online. Në fillim pas ores 12:00 të gjithë filluan të komentonin se pse nuk po del kënga në YouTube, sikurse Gjata paralajmëroi një ditë më parë.
Pas publikimit të “Off Guard” shumë shqiptarë të Kosovës filluan të komentonin se pse kenga nuk mund të degjohej edhe në Kosovë. Kështu ata po shkruanin se pse këngëtarja nuk i do shqiptarët dhe pse bën këto ndarje fansash.
Mirëpo kjo gjë bëri që Elvana të reagonte dhe të jepte shpjegim për ketë veprim. Në postimin e parë të bërë nga Gjata, ajo tregoi se nuk e kishte në dorë këtë gjë, por shtëpia diskografike, Sony Music dhe në atë moment ky klip nuk ishte i mundur të transmetohej në disa vende.
