Dua Lipa është duke u shndërruar në një emër të njohur në industrinë e muzikës.
Në një intervistë së fundmi për “GQ” Lipa ka treguar se fillimet nuk i kishte të lehta. “Për një artiste grua është shumë më e vështirë që t’ju marrin seriozisht nëse nuk jeni të ulur pranë një pianoje apo nëse nuk keni një kitare në dorë. Për artistët meshkuj, njerëzit menjëherë besojnë se ata shkruajnë dhe kompozojnë muzikën e tyre, ndërsa për gratë nuk është një gjë e tillë” është shprehur Lipa. Dua gjithashtu ka folur edhe për rëndësinë e lëvizjes #MeToo, përderisa e ka quajtur veten me fat që nuk ka përjetuar ndonjë ngacmim seksual.
