Mbrëmja e çmimeve Oscar pavarësisht shkëlqimit që pati dhe komenteve të shumta që u bënë, duket se këtë vit nuk ka patur suksesin e duhur. Sipas Los Angeles Times shikushmëria ka rënë në një nivel shumë të ulët. Ky lajm duket se e ka nxitur presidentin e SHBA-ve të shkruaj një status në profilin e tij në Twitter.
“Oscarët më të dobët, vlerësuar në historikun e Akademisë. Problemi është, se ne nuk kemi më yje – përveç presidentit tuaj (thjesht shaka, natyrisht)!”- është shprehur Trump.
Nuk është hera e parë që 71-vjeçari reagon për ngjarje të tilla në rrjetet sociale pasi ai njihet edhe si presidenti më aktiv në përdorimin e tyre. 
