Bebe ka publikuar në Instagram Top Listën e U.K Itunes, pjesë e së cilës janë edhe Dua e Rita.
Përbri listës këngëtarja ka bërë edhe një mbishkrim ku përveç se falenderon babain e saj ka edhe një mesazh për Duan e Ritën. “Tre shqiptare në top 20-tëshe! E pabesueshme! E di që prindërit e të trejave kanë punuar fort që të na siguronin një jetë sa më të mirë. Babai im erdhi në Amerikë në 80-tën dhe ka bërë çdo gjë për mua. Jam shumë krenare që jam shqiptare dhe që kam arritur kaq shumë, e jam akoma dhe më krenare për femrat që po ecim së bashku drejt fitores. Kjo është për babain tim. Vajzat shqiptare po kryesojnë”.- ka shkruajtur ajo.
