Ndoshta mund të mos i mbajmë mend të gjithë konkurrentët ndër vite, nga puntata e parë e deri tek ajo e fundit, ama për diçka jemi plotësisht të sigurt: Big Brother Albania është formati që ka thyer çdo rekord audience. Sot ky emision mbush plot 10 vjeç dhe ka motive për të festuar këtë datë.
Nën drejtimin e prezantueses Arbana Osmani dhe Ledion Liços, i cili mundi ta drejtojë këtë format të suksesshëm për vetëm një herë të vetme, Big Brother Albania e nisi këtë rrugëtim në ekranin e Top Channel 10 vite më parë, duke i mbajtur të gjithë teleshikuesit të gozhduar pas ekranit, për t'u njohur me protagonistët real, me zhvillimin e ngjarjeve, situatave, etj,. Pavarësisht polemikave të ndryshme, ky emision mbetet një ndër më popullorët në ekranet tona.
Ende nuk e dimë nëse do të vazhdojë e njëjta frymë realizimi dhe i njëjti format, por së fundmi zërat janë shtuar për një tjetër reality show, me emrin Big Brother VIP, ku personazhe të njohur pritet të bëhen pjesëtarët më të rinj të familjes më të famshme në Shqipëri.
