“Në pesë–gjashtë vitet e fundit, kemi parë një prani më të madhe të Rusisë. Por, të jemi të sinqertë, modeli që preferojnë shumica e njerëzve në Ballkanin Perëndimor është Bashkimi Evropian “, - kështu u shpreh Ministri i Jashtëm shqiptar, Ditmir Bushati në një intervistë për Euobserver nga Brukseli.
Bushati foli për ndikim rus që është rritur për vitet e fundit, po përforcoi idenë se shumica e Ballkanit i ka sytë nga BE.
Po ashtu Bushati shtoi se ndikimi rus është një skenar i mundshëm duke patur parasysh ngjarjet në Maqedoni ku Rusia ishte shumë më aktive se BE.
“Ky është një skenar i mundshëm. Rusia ka qenë mjaft aktive në fqinjin tonë, duke dalë me deklarata politike (mbi krizën e Maqedonisë) më shpesh se BE-ja”, - tha ai.
Mali i Zi ka akuzuar Rusinë për përpjekjen për të inskenuar një grusht shteti atje vitin e kaluar në mënyrë që të pengojë hyrjen e saj në NATO.
