Pas situatës së përmbytjeve në vend, Kryeministri Edi Rama lë Shqipërinë dhe udhëton drejt Brukselit ditën e sotme ku do të takojë liderët e Bashkimit Europian në një përpjekje të re për t’i dhënë shtysë hapjes së negociatave të Shqipërisë për anëtarësim në BE.
Kryeministri Rama do të takohet me Presidentin e Këshillit të Europës Donald Tusk, ndërsa të martën do të bisedojë me Presidentin e Parlamentit Europian, Antonio Tajani, bën me dije EuReporter.
Rama shpreson në hapje të negociatave me BE-në brenda një kohe të shkurtër, megjithëse komisioneri i BE-së për Zgjerimin, Johannes Hahn, ka tërhequr vëmendjen tek disa pengesa që duhet të kalohen, përfshirë trafikun e drogës, mungesës së transparencës dhe përhapjen e korrupsionit.
