Data 27 do të jetë ditë pushimi. Duke qenë se e shtuna dhe e diela përkonin me datat 25 dhe 26 nëntor, dhe 28 dhe 29, po ashtu ditë pushimi, kryeministri Rama vendosi t’ia lërë pushim administratës edhe datën 27 nëntor.
Vendimi u publikua në faqen e Këshillit të Ministrave.
Megjithatë pas 5 ditëve pushim, punonjësve të administratës do t’i duhet t’i rikthehen “punës” për dy ditë dhe pastaj do të kenë sërish pushimet e fundjavës.
V E N D I M
PËR
CAKTIMIN E DITËS SË HËNË, DATË 27 NËNTOR 2017, DITË PUSHIMI
Në mbështetje të neneve 95, pika 2, dhe 100, të Kushtetutës, me propozimin e Kryeministrit, Këshilli i Ministrave
VENDOSI:
1. Caktimin e ditës së hënë, datë 27 nëntor 2017, ditë pushimi për punonjësit e administratës shtetërore.
2. Dita e punës së datës 27 nëntor 2017 do të zëvendësohet në një nga ditët e pushimit brenda këtij viti.
3. Ngarkohen institucionet e administratës shtetërore për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
