Kryetarja e LSI-së, Monika Kryemadhi deklaroi se Edi Rama mban nën presion ambasadorët me vendet e tyre të punës. Sipas Kryemadhit, Rama mund t’a bëjë këtë duke i dërguar letra kërcënuese shefave të ambasadorëve në vendet përkatëse.
Sipas kryetares së LSI-së, Rama i ka kërcënuar të gjithë ambasadorët e huaj në Shqipëri dhe ata zgjedhin të dalin në media për t’a mbështetur atë.
“Ka pasur raste që e kanë mbështetur, ata janë në presionin e Ramës dhe do ishte më mirë të mbështetin Ramën në një media shqiptare se sa të marrin një letër kërcënuese të kryeministrit të Shqipërisë drejt shefit të tyre. Edi Rama i ka kërcënuar të gjithë ambasadorët e huaj këtu me vendet e punës së tyre.” – u shpreh Kryemadhi në emisionin “Të paekspozuarit”.
Kryetarja e LSI-së shtoi se mafiozët kanë ikur jashtë vendit, pasi politika ka 4 muaj që flet për to.
“Mafiozët kanë ikur jashtë shtetit se ne kemi 4 muaj që flasim për mafiozët. Ata kane ikur ne Australi, Itali, nëpër Europë”. ©LAPSI.AL
