45-vjeçari Alket Hatija është në kërkim nga policia prej korrikut të këtij viti pasi gjykata e Apelit vendosi masën “burg pa afat” deri në sqarimin e dënimit në Itali me 20 vite burg për trafik droge. Ai këmbëngul se e ka shlyer dënimin për këtë çështje pasi ka vuajtur 10 vjet burg në Shqipëri. Në momentin e arrestimit të tij u fol se ai kishte një bunger në Berat që ruhej me njerëz të armatosur.
“Kam që në ‘93 që kam ikur nga Berati dhe mund të kem shkuar, një herë në vit, i ka rënë apo si ka rënë. Shkoj më tepër të varri i babait, dhe për ata njerëzit e afërt që kam atje. Po jo të rrijë me vila, të rrijë me armë. Po si ka mundësi kur ata më thonë mua “je zot i drogës”, unë kur paskam kaq para pse të rri në bunker unë si qen? Unë vetë nuk dorëzohem, policia le të më kapë” – tha Hatija në një intervistë nga arratia për gazetaren Klodiana Lala në News24.
