Këngëtarja dhe stilisti i njohur Stefano Gabbana, janë përplasur pasi Miley në një postim të sajin u shpreh se nuk ishte aspak dakort me politikat e shtëpisë së modës.
Ajo postoi një foto të vëllait të saj, ku ky i fundit po sfilonte për D&G. Duke uruar vëllain e saj, ajo në fund shprehu edhe pakënaqësitë për D&G. Por kjo gjë duket se nuk i ka pëlqyer aspak stilistit të mirënjohur i cili i është kundërpërgjigjur: “Ne bëjmë veshje dhe nëse ti mendon të bësh politikë me një postim je thjesht një injorante”. Vëllai i këngëtares është zgjedhur për të sfiluar në pasarelën e Milanos dhe Miley është ndjerë krenare për këtë fakt, duke postuar foton e tij: “Nuk ka qenë kurrë një ëndërr e vëllait tim të jetë model. Ai është një nga muzikantët më të talentuar që kam dëgjuar, por është një karakteristikë e familjes Cyrus, të provojnë gjithçka, të paktën një herë në jetë, dhe të përqafojnë mundësitë që të inkurajojnë të bësh një hap jashtë zonës tënde."
