Yje të kinemasë dhe showbiz-it si: Nicole Kidman, Elsa Hosk, Ansel Elgort etj, së fundmi po postojnë foto në rrjetet sociale duke bërë një gjest me duar, ku njëra pëllëmbë me gishtat e hapur kryqëzohet me tjetrën me gishta të mbyllur.
Personazhet në fjalë janë bërë pjesë e një fushate sensibilizimi, të titulluar: “Hands Only CPR” (Masazh Kardiak Vetëm me Duar). Kjo iniciativë është ndërmarrë nga kardiologia e famshme amerikane, Holly Andersen, e cila kërkon të sensibilizojë publikun për rëndësinë e masazhit kardiak, si dhe për t’i nxitur ata që të veprojnë në situata kur diçka e tillë nevojitet. Sipas studimeve, çdo 2 minuta, një person humb jetën si pasojë e arrestit kardiak dhe pjesa më e madhe e tyre ndahet nga jeta pa mbërritur ende në spital.
