“La La Land” nuk e fitoi “Oscar”-in, ashtu siç u profetizua, por kryebashkiaku i Los Angelesit i bëri këti filmi një nderim të veçantë ku shpalli 25 prillin si ditën e tij.
Ngjarjet e filmit zhvillohen pikërisht në këtë qytet, ku një aktore e re, e përballur me shumë vështirësi në punën e saj, dashurohet me një muzikant “Jazz”-i.
“Kjo do të jetë një ditë për të kremtuar ëndrrat tuaja, kur të mund të kërceni të qetë diku pranë makinës, duke preferuar sigurisht që kjo të mos ndodhë në trafik. Një ditë kur mund të lini takim në ‘Griffith Park’, të bini në dashuri me dikë, apo edhe me vet qytetin sërish e sërish”, tha Eric Garcetti, kryebashkiak i Los Angelesit.
Në mungesë të dy yjeve të filmit, Emma Stone e Ryan Gosling, kryebashkiaku Garcetti i dorëzoi regjisorit Damien Chazelle një certifikatë të stërmadhe, e cila dëshmonte vulosjen e kësaj dite të veçantë, që producenti Jordan Horoëitz e cilësoi “një ëndërr të bërë realitet”.
