Prezantuesja braziljane e cila prej disa vitesh shfaqet përkrah Ardit Gjebreas në “Telebingo”, pi hashash! Kjo të paktën sipas një lypësi i cili e kishte kapur “me presh në duar”, çokollatën e televizionit shqiptar.
I ftuar në rubrikën “Ka një mesazh për ty”, lypësi tha përpara kamerave se e ka inat Andresën për shkak se ajo konsumon hashash. Madje, për këtë u betua dhe tregoi se si një herë ai e kishte këshilluar braziljanen të mos e pinte cigaren e drogës. Më pas, sipas lypësit i cili mbledh lëmoshë rrugëve të Tiranës, kërcimtarja seksi e ka sharë. Natyrisht që reagimi i publikut dhe i vetë drejtuesit të “E diela Shqiptare” ishte mosbesues. Por sikurse ky segment i emisionit nuk e ka Andresën prezente, ndoshta kur ajo t’i bashkohet Arditit, do të japë dhe versionin e vetë për ngjarjen.
