Michael Kirk Douglas, aktori dhe producenti i famshëm hollivudian, vdiq në moshën 71-vjeçare, duke lënë pas gruan dhe tre fëmijët. Fituesi i dy Academy Awards, katër Golden Globe, një çmimi BAFTA etj, u raportua nga tabloidi amerikan The Times, se ndërroi jetë në një spital në Çikago, Illinois, të Shteteve Të Bashkuara. Por faktikisht më vonë rezultoi se bëhej fjalë për një lajm të pavërtetë.
Me 16 gusht 2010, Michael Douglas u diagnostikua me kancer në fyt ndërsa me 1 shtator 2010, gjatë emisionit David Letterman Show, njoftoi se ka nisur ciklin e terapive kundër sëmundjes. Aktori amerikan lajmëroi kancerin duke transformuar sloganin historik të Martin Luter King, "Unë kam një ëndërr" në "unë kam kancer" - gjatë shfaqjes, duke shpjeguar se sapo kishte përfunduar javën e parë të rrezeve dhe kimioterapisë.
Më 10 janar gjatë një interviste në vitin 2011, sipas një reportazhi në NBC ai tha se "tumori është zhdukur. Tani unë duhet t'i nënshtrohet një kontrolli mujor. Unë mendoj se nuk është rasti t'i dorëzohem euforisë". Terapia zgjati më shumë se gjashtë muaj dhe bëri që ai të humbë rreth 30 kile.
Nëse i beson bestytënive, kur të bëjnë të vdekur është njësoj sikur të shtojnë më shumë jetën. Ndoshta edhe në rastin e aktorit të famshëm mund të konfirmohet kjo, pasi raportohet se ai gëzon shëndet të plotë dhe sot ishte duke luajtur golf me miqtë e tij.
