Më herët gjatë ditës, ish-kryeministri Berisha njofotoi ndjekësit e tij në facebook për pjesëmarrjen në një konferencë mbi dialogun ndërfetar që mbahet në Lugano të Zvicrës. I ftuar në cilësinë e anëtarit të Akademisë Europiane të Shkencave dhe Artit, Sali Berisha u nis nga Tirana pasdite, për t'u kapur "mat" në aeroportin e Malpensas në Milano, gjatë ndalesës së ndërrimit të avionëve. Siç shihet dhe në fotot e siguruara nga lapsi.al, ish-kryeministri Berisha shfaqet në rradhët e kontrollit të pasaportave krah udhëtarëve të tjerë. Ai është "pushtuar" nga emigrantët shqiptarë të cilët rastisën në të njëjtin orar fluturimi. E ndaluan, bënë fotografi dhe siç ndodh në këto raste, uruan për fluturim të mbarë!
