Nuk janë vetëm të ashtuquajturat fashionista shqiptare të cilat ecin hap pas hapi, në gjurmët e seks-simbolit amerikan Kim Kardashian. Këto foto të ripunuara nga faqja @instagënjim në IG, shpalosin me humor, herët kur lideri i "Babastars", mund të kombinohet fare lehtë me "bëmat" e yllit botëror të showbiz-it.
Krahasimi ironizues merr shkas nga kopertina ikonë kur Kim Kardashian u zhvesh për revistën "Paper". Nisur nga kënga më e re e Getoarit, "BS", krahas fytyrës, @instagënjim ka përshtatur dhe titujt e faqes së pare, duke i sjellë rreth tekstit të reperit të famshëm.
Një tjetër fotomontazh është krijuar me kopertinën e revistës "VOGUE", kur Kim dhe Kanye pozuan për herë të parë pas dasmës në Paris. Humori këtë herë ka të bëjë me pseudonimin “Geasy” (Xhizi) që Getoari duket se i ka kopjuar reperit amerikan West, i cili prej vitesh ka në pronësi nofkën “Yeezy”.
Jo vetëm kaq, por Getoarit i shkon edhe kopertina e “Vanity Fair” kur për herë të parë, njerku i Kim Kardashian, “kaloi ylberin” dhe u bë femër. “Call me Caitlyn” ishte poza e parë si grua e Bruce Jenner, e cila këtë herë është përshtatur me Getoarin që thotë se, lehtësisht mund ta thërrasin Gjiza. /Lapsi.al
