Gazetarja Eni Vasili flet pas gjestit që kryeministri Edi Rama bëri në studion e saj, duke i puthur dorë. Në një intervistë për revistën ‘’Elegance’’, Vasili e quan këtë veprim një shenjë respekti.
“Thjesht si një gjest mirësjellje, një përshëndetje elegante dhe formale në shenjë respekti”, thotë Vasili.
Ndërkohë sa i përket darkës së fundvitit të organizuar nga bashkëshortja e Ramës, nëse kjo darkë kishte të bënte me gjestin e Ramës në studo, Vasili shprehet.
“Është e vërtetë që pata një debat të tillë në prani të të gjitha kolegeve gazetare të pranishme në atë darkë, Xhunga, Tare, Milori, Basha, Kurti etj.
Shkëmbyem mendime e qëndrime me kryeministrin rreth kësaj çështjeje për përgjegjësitë e gazetarëve apo të kryeministrit në këtë kontekst.
Shpresoj që debati të ketë kontribuar në performancën e ‘’duruar’’ që kryeministri shfaqi gjatë intervistës”./LAPSI.AL/
