Këngëtarja e cila kohët e fundit është në proces ndarjeje nga ish-partneri Florian Riza, duket se po e kalon pa problem divorcin. Pjesëmarrja në "Dancing With The Stars", i ka qëlluar me fat Rovena Dilos, e cila krahas reduktimit në peshë (rreth 6 kile të humbura) për shkak të kërcimit gjatë këtyre javëve, ka fituar një partner! Elton Merja jo vetëm shoqëron Rovenën në skenë, por sipas atyre që shkruajnë rubrikat rozë të së shtunës, ai është partneri i saj edhe jashtë palestrës së spektaklit të kërcimit. Një tjetër detaj që tregon se çifti janë në një raport më tepër se profesional është kartolina e Krishtlindjeve që Rovena Dilo shpërndau për ndjekësit në IG. Këngëtarja dhe balerini disa vite më i vogël, shaqen në çift, për urimin e fundvitit.
