Marrëdhënia e komentuar nga prezantuesja Alketa Vejsiu si romancë e re brënda kastit të "Dance With Me", është thjesht miqësore. Foto që Revista Class botoi duke hedhur dyshime mbi një lidhje mes këngëtares shkodrane Arilena Ara dhe Dj. Sardit, me sa duket u përdor sa për show, pasi vetë adoleshentja e ka mohuar "mblesërinë" e cila po të realizohej me sukses, do t'i bënte mirë në karrierën e saj muzikore.
“Nuk kam asnjë marrëdhënie dashurore me Sardin për momentin. Jemi thjesht miq të mirë dhe nuk ka asgjë më shumë mes nesh sesa miqësia. Fotoja është bërë pak minuta para fillimit të live-show; ai është momenti ku ne pozojmë para aparatit, pa e vrarë mendjen shumë për pozicionin apo vendin, pasi jemi nën trysninë e kohës”, – ka reaguar Arilena.
