Studio prapa filmit të ri Leonardo DiCaprio, “The Revenant” me regji te Alejandro Inarritu ka mohuar pretendimet se aktori është përdhunuar nga një ari në një nga skenat e para të filmit. Në pritje të shfaqjes zyrtare të filmit është përhapur lajmi se Di Caprio është sulmuar egërsisht nga kafsha e cila e ka sulmuar aktorin seksualisht.
"Ai është përdhunuar - dy herë!" – shkruan “Drudge Report” në SHBA duke shtuar: “në një moment të filmit ariu qëndron sipër Leos dhe tenton përdhunimin”. DailyMail shkruan se ka pyetur dy persona që e kanë parë filmin dhe se në skenën e sulmit nga ariu nuk duket ndonjë përdhunim.
Edhe “Fox” kompania që ka prodhuar filmin shkruan se “kushdo që e ka parë filmin mund të dëshmojnë, se ariu në film është një femër dhe që sulmon Hugh Glass sepse ajo mendon se ai mund të jetë kërcënues për të vegjlit e saj. Nuk ka asnjë mënyrë të qartë skenë përdhunimi me një arushë"- thotë Fox
Edhe aktori 40-vjeçar ka pranuar në një intervistë të pak ditëve më parë se skena e xhiruar me ariun ishte një nga më të ëvshtirat në karrierën e tij.
Filmi flet për historinë e vërtetë të eksploruesit Hugh Glass bazuar në librin e tij me kujtime.
Incidenti është i ngjashëm me atë që i ka ndodhur Glass në vitin 1823. 43-vjeçari u sulmua nga një arushë e cili ishte duke mbrojtur dy të vegjlit e saj në South Dakota.
