Një vatër zjarri është regjistruar në zonën mes vendit të quajtur “Kroi i Madh” dhe fshatit Çudhi, në malësinë e Krujës. Flakët kanë përfshirë sipërfaqe të mëdha me shkurre dhe pemë të ndryshme, ndërsa zjarri po përhapet me shpejtësi, i favorizuar edhe nga era.
Terreni i vështirë e bën thuajse të pamundur ndërhyrjen me mjete zjarrfikëse nga toka. Sipas të dhënave paraprake nga zona, ndërhyrja nga ajri mbetet mënyra e vetme për të frenuar dhe lokalizuar flakët. Deri në këto momente, raportohet se nuk ka pasur ndërhyrje nga strukturat përkatëse, ndërsa zjarri vijon të përhapet në zonën e Malësisë së Krujës.
