Një person është ekzekutuar me armë zjarri mbrëmjen e sotme në Prekal të Shkodrës. Viktima është Aleksandër Koçeku, i cili u gjet i pajetë brenda automjetit të tij rreth orës 19:00. Sipas informacioneve paraprake, dyshohet se vrasja mund të lidhet me ekzekutimin e 19-vjeçarit Pavlin Preka, i vrarë më 26 shkurt 2025 në oborrin e banesës së tij në fshatin Guci e Re.
Për atë ngjarje janë arrestuar Vasel Koçeku dhe Klaudio Lisaj. Hetimet kishin ngritur dyshime edhe për përfshirjen e Aleksandër Koçekut. Menjëherë pas ngjarjes, forca të shumta policie mbërritën në vendin e krimit dhe ngritën pika kontrolli në zonë. Grupi hetimor po punon për identifikimin dhe kapjen e autorit ose autorëve, si dhe për zbardhjen e plotë të motiveve të ekzekutimit.
