Ka ndërruar jetë në Spitalin e Traumës 17-vjeçari Mateo LIkaj që mbeti i plagosur me armë zjarri në kokë te Kthesa e Kamzës më 24 maj.
Ngjarja ndodhi në shtëpinë e shokut të tij, 19-vjeçari Rigels Sylaj, i cili po u tregonte miqve një armë pa leje që dyshohet se u shkrep aksidentalisht.
Për t'i shpëtuar përgjegjësisë, të pranishmit fillimisht gënjyen policinë se ngjarja ndodhi në oborr, por më pas dëshmuan të vërtetën.
Sylaj ishte duke u treguar armën shokëve, ndërsa ishin duke konsumuar alkool dhe pa e ditur që në pistoletë kishte plumba.
Përveç tij u arrestuan edhe dy shokë të tjerë të cilën u vunë nën akuzë për veprime që pengojnë zbulimin e së vërtetës.
