“Nuk na përfaqësoni!”. Ky ishte slogani simbol i ditës së 55 të protestës, i cili u projektua mbi bulevard. Përpos tij, ndër ra në sy edhe sllogan ku shkruhej numri 140 dhe mbi të ishin vendosur krimba. Me këtë simbolikë të përdorur, protestuesit i janë referuar 140 deputetëve të Parlamentit të Shqipërisë.
Edhe me këtë instalacion protestuesit kanë përcjellë mesazhin e tyre ndaj përfaqësuesve politikë se ata nuk përfaqësojnë interesat e qytetarëve.
Këto mesazhe vijnë pas fjalës së mbajtur nga kryeministri Edi Rama në mbledhjen e zgjeruar të grupit parlamentar të PS dhe kabinetit qeveritar. Protestuesit u shprehën të qartë se nuk mund t’i jepet “Besa” një njeriu që e ka shkelur atë. “Nuk ka besë me Ramën”, ka qenë ky mesazhi i qartë i qytetarëve ndërsa kanë theksuar se kërkesa për dorëheqjen e tij është e panegociueshme.
