Protesta e 109 kundër qeverisë dhe kryeministrit Edi Rama u shoqërua me thirrjet “Arrestoni Ramën”, “Arrestoni Ballukun”, “Shqipëria kërkon revoluciuon”.
Marshimi i sotëm ndryshe nga ditët e tjera, vijoi edhe me mbështetjen e ish-krerëve të UÇK pas një vendimi të dhënë nga Haga për ish-krerët e UCK, Hashim Thaçi, Jakup Krasniqi, Rexhep Selimi, Kadri Vesili.
Protestuesit marshuan në rrugët e Tiranës edhe me thirrjet “Liria ka emër”, “Shqipëri Dardani jemi nji”.
Gjithashtu një tjetër ndalesë e protestuesve ishte edhe te Blloku i Sigurisë, ku qytetarët kërkuan lirimin e protestuesve të ndaluar në protestat e mëparshme nga policia.
Protesta e 109 u mbyll te busti i Adem Jasharit, në rrugën e Durrësit, me thirrjet “Liri për çlirimtarët”.
Gjithashtu nesër në orën 10:00 ku pritet të mbahet edhe seanca e radhës parlamentare, është njoftuar edhe protestë. /LAPSI.al
