Një 26-vjeçar ka mbetur i plagosur nga goditja me mjet prerës pranë zonës së ish-Parkut në Tiranë. Sipas informacioneve paraprake, ngjarja ka ndodhur mbrëmjen e sotme, ku gjatë një konflikti për motive të dobëta, dyshohet se është qëlluar me mjet prerës shtetasi me iniciale F. P., 26 vjeç.
I riu është transportuar në spital për të marrë ndihmën mjekësore dhe ndodhet jashtë rrezikut për jetën. Policia bën me dije se pas ngjarjes ka bërë të mundur identifikimin dhe shoqërimin e shtetasit me iniciale E. P. (S.), 53 vjeç, i dyshuar si autor i plagosjes së të riut.
Njoftimi i policisë:
Më datë 06.09.2026, rreth orës 19:45, tek ish-Parku, dyshohet se gjatë një konflikti për motive të dobëta, është goditur me mjet prerës shtetasi F. P., 26 vjeç, i cili ndodhet në spital, jashtë rrezikut për jetën.
Pas marrjes së njoftimit, shërbimet e Komisariatit të Policisë Nr. 2 kanë mbërritur në vendngjarje dhe, në vijim të veprimeve të para hetimore, kanë bërë të mundur identifikimin dhe shoqërimin e shtetasit E. P. (S.), 53 vjeç, i dyshuar si autor i rastit. Grupi hetimor vijon veprimet procedurale dhe hetimore për sqarimin e plotë të rrethanave të konfliktit, dokumentimin e tij dhe përcaktimin e përgjegjësisë ligjore.
