Protesta kundër qeverisë hyn sot në ditën e 99-të. Qytetarët pritet të rikthehen para Kryeministrisë, duke vijuar mobilizimin që kërkesë kryesore ka dorëheqjen e kryeministrit Edi Rama dhe largimin e qeverisë. Protestuesit kërkojnë gjithashtu krijimin e një qeverie tranzitore, e cila sipas tyre duhet t’i hapë rrugë një procesi të ri politik. Në platformën e shpallur prej tyre përfshihet edhe shfuqizimi i disa ligjeve. Mes tyre janë ligji për investimet strategjike dhe ai për zonat e mbrojtura, të kundërshtuara prej kohësh nga protestuesit.
Ndërkohë, me nisjen e sesionit të ri parlamentar, protesta pritet të hyjë në një fazë tjetër. Për 8 shtatorin është paralajmëruar përshkallëzim i aksionit, ndërsa protestuesit kanë njoftuar se do të presin deputetët me vezë para Kuvendit, në shenjë revolte ndaj mazhorancës.
