Disa vatra zjarri janë shfaqur në fshatra të Lezhës, ndërsa situata më e vështirë paraqitet në Kalivaç, ku forcat zjarrfikëse vijojnë betejën me flakët në një terren të vështirë. Kryetari i Bashkisë Lezhë, Pjerin Ndreu, bëri të ditur se vatra zjarri janë regjistruar edhe në Tale, Bërzanë, Rrilë dhe Ishull.
Sipas tij, ndërhyrja e zjarrfikësve ka bërë të mundur vendosjen nën kontroll të flakëve në këto zona, duke parandaluar përhapjen e mëtejshme. Ndërkohë, puna vijon në Kalivaç, ku terreni i vështirë po e komplikon ndërhyrjen për shuarjen e plotë të zjarrit.
