Një 35-vjeçar ka rënë në prangat e policisë pasi dyshohet se ka transportuar në mënyrë ilegale drejt Shqipqrisë, shtetas të huaj nga Iraku dhe Irani. Sipas njoftimit të policisë, i riu ishte banues në Itali, dhe u ndalua gjatë natës në afërsi të fshatit Shkallë, në kuadër të operacionit policor 'Tranzit 2'.
Sipas hetimeve paraprake, destinacioni i emigrantëve ishte Italia, ndërsa secili prej tyre dyshohet se kishte paguar 2 800 euro për transportin. 21 shtetasit e huaj janë proceduar në gjendje të lirë për kalim të paligjshëm të kufirit, ndërsa është bërë sekuestrimi i furgonit nga forcat policore. Sakaq, hetimet vijojnë për të zbardhur plotësisht veprimtarinë dhe për të identifikuar persona të tjerë të mundshëm të përfshirë.
