Kim Kardashian dhe Lewis Hamilton po shijojnë një romancë që, sipas burimeve, po bëhet gjithnjë e më e qëndrueshme. Por ajo që duket se e ka fituar veçanërisht zemrën e Kim është mënyra se si piloti britanik është afruar me katër fëmijët e saj që në fillim të lidhjes.
Sipas një burimi pranë Kardashian, një nga arsyet kryesore pse ajo u dashurua me Hamilton ishte kujdesi dhe vëmendja që ai u kushtoi fëmijëve të saj. Një nga gjestet më të veçanta ishte dhurata e një qeni për North, Saint, Chicago dhe Psalm, fëmijët që Kim ka nga martesa e saj me reperin Kanye West.
“Dhurimi i një qeni për fëmijët e Kim është vetëm një nga gjestet e shumta të menduara mirë që Lewis ka bërë për ta”, thuhet në deklaratën e burimit për revistën People.
Sipas të njëjtit burim, Hamilton ka treguar që në fillim se është i kujdesshëm dhe i vëmendshëm ndaj nevojave të fëmijëve, duke bërë më shumë nga sa pritej për t’i bërë ata të ndihen mirë.
Kardashian, nga ana e saj, thuhet se e konsideron Hamilton një partner të shkëlqyer dhe ndihet me fat që e ka në jetën e saj. Ajo është gjithashtu e lumtur që të dy vendosën t’i japin një mundësi lidhjes së tyre, pasi njiheshin prej shumë vitesh.
“Marrëdhënia e tyre është e qetë dhe e pjekur. Ai e bën vërtet të lumtur”, ka rrëfyer burimi pranë yllit të reality show-t për People.
Edhe vetë Lewis Hamilton ka folur publikisht për kohën që kalon me katër fëmijët e partneres së tij. Gjatë një aktiviteti mediatik më 25 tetor, përpara Çmimit të Madh të Formula 1 në Austin të Teksasit, piloti britanik tregoi se kalimi i kohës me ta është bërë pjesë e rëndësishme e jetës së tij.
Hamilton zbuloi gjithashtu se këtë vit u kishte dhuruar fëmijëve një qen, të quajtur Halo, i cili tashmë është bërë pjesë e familjes.
Kim Kardashian dhe Lewis Hamilton njihen prej më shumë se një dekade, por në fillim të vitit 2026 nisën të shfaqeshin gjithnjë e më shumë zëra për një lidhje romantike mes tyre.
Çifti e bëri publike marrëdhënien në rrjetet sociale në muajin prill, ndërsa që atëherë të dy kanë treguar mbështetje të ndërsjellë në angazhimet e tyre profesionale.
