Blac Chyna dhe Rob Kardashian kanë tërhequr vëmendjen pas një bisede telefonike të transmetuar drejtpërdrejt, ku shkëmbyen batuta, komplimente dhe folën për vajzën e tyre, Dream. Momenti ka nxitur spekulime se marrëdhënia mesish-çiftit mund të jetë përmirësuar ndjeshëm.
Gjatë transmetimit në platformën KICK, Blac Chyna telefonoi ish-partnerin e saj dhe i kërkoi të përshëndeste ndjekësit.Biseda mori një ton më të ngrohtë kur ajo e komplimentoi për fotografitë e tij të fundit, duke i thënë se dukeshin shumë mirë.
Rob u përgjigj me modesti, duke thënë se nuk e kuptonte gjithë vëmendjen që kishin marrë fotografitë, ndërsa Chyna këmbënguli se ai dukej shumë mirë.
Përveç komplimenteve, ish-çifti diskutoi edhe për vajzën e tyre nëntëvjeçare. Rob tregoi se do ta kalonte fundjavën me Dream dhe se kishin planifikuar të dekoronin kunguj në shtëpinë e njërës prej motrave të tij.
Chyna i kërkoi me humor që t'i përgatisnin edhe asaj një kungull të personalizuar, ndërsa Rob u përgjigj se vajza e tyre dot ë kujdesej për pjesën krijuese. Në fund të bisedës, Chyna e falënderoi publikisht Rob-in për mbështetjen e tij.
Blac Chyna dhe Rob Kardashian u fejuan në vitin 2016 dhe mirëpritën vajzën e tyre, Dream, në nëntor të po atij viti. Çifti u nda publikisht në vitin 2017, ndërsa më pas u përfshi në konflikte ligjore që tërhoqën vëmendjen e mediave.
Megjithatë, vitet e fundit marrëdhënia mes tyre duket se është përmirësuar, me të dy që kanë vënë në plan të parë mirëqenien e vajzës së tyre.
