Në orët e para të mëngjesit në qytetin e Klosit, Mat është grabitur një pikë karburanti. Sipas të dhënave paraprake, autorë të ngjarjes janë dy persona të maskuar, të cilët kanë kërcënuar punonjësin dhe kanë marrë paratë që ndodheshin në kasafortë.
Bëhet e ditur se njëri prej grabitësve ka mbajtur nën kontroll punonjësin, ndërsa tjetri ka marrë shumën e parave dhe më pas të dy janë larguar. Deri më tani nuk dihet vlera e parave të grabitura dhe as nëse autorët kanë qenë të armatosur.
Në vendngjarje ka mbërritur policia, e cila po kryen veprimet hetimore për zbardhjen e rrethanave të grabitjes, identifikimin dhe kapjen e autorëve.
