Një aksident është regjistruar ditën e sotme në Berat, në vendin e quajtur 'Ura e Varur'. Sipas informacioneve paraprake, një furgon i zi tip 'Benz' i drejtuar nga 60-vjeçari Arben Brahimaj nga Vlora, ka humbur kontrollin dhe ka përplasur mbi trotuar një çift të moshuar bashkëshortësh.
Çifti po priste në trotuar që të hapej semafori për të kaluar rrugën. Ata janë transportuar menjëherë në Spitalin Rajonal të Beratit ku ndodhen nën kujdesin e mjekëve dhe ndodhen jashtë rrezikut për jetën. Sipas dëshmisë së drejtuesit të furgonit, ai ka deklaruar se i është bllokuar timoni dhe frenat. Grupi hetimor ndodhet në vendin e ngjarjes dhe po punojnë për zbardhjen e plotë të rethanve të ngjarjes dhe shkaqet e aksidentit.
