Karabinierët e Komandës Provinciale të Romës, në koordinim me Prokurorinë kanë kryer këtë të diel një sërë bastisjesh duke vënë në shënjestër shpërndarësit e drοgës.
ANSA shkruan se u arrestuan 24 persona dhe u sekuestruan qindra doza lënde narkοtike, përfshirë kokainë, crack dhe hashash si dhe materiale që përdorshin për prerjen dhe paketimin e dozave të lëndëve narkotike.
Karabinierët arrestuan në flagrancë 6 persona, të cilët u ndaluan në makinat e tyre me të cilat shpërndanin doza të ndryshme të lëndës narkotike. Në këtë mënyrë u sekuestruan 64 doza me kokainë, 26 marihuanë, 12 hashash dhe 900 euro para të gatshme.
Ndërsa karabinierët e Stacionit të Romës arrestuan një shtetas shqiptar, të cilit iu gjetën 10 gramë kokainë, materiale për prerjen dhe paketimin e dozave dhe 1 040 euro cash që mendohet se janë produkte të veprimtarisë së paligjshme. Të arrestuarit e tjerë janë italianë, kinezë, tunizianë. ©LAPSI.al
