Pas rrëzimit të regjimit të ish-presidentit sirian Bashar al Assad, mijëra sirianë kanë marrë valixhet dhe kanë nisur rrugëtimin për t’u kthyer në shtëpitë e tyre në Siri.
Sirianët që u strehuan në Turqi, si pasojë e regjimit të Assad, shpërthyen në lot gëzimin pas lajmit të largimit të Assad. Kaq u desh që ata të nisen për në Siri.
Mijëra sirianë ndodhen tashmë në pikën kufitare të Çolvegozu në Turqinë jugore, teksa presin të kalojnë doganën e të kthehen në shtëpi.
Sirianët ndodhen në pikën kufitare për të për të marrë rrugën e kthimit. Sipas Anadolu, për të shmangur mbipopullimin, ekipet e policisë doganore ngritën një postbllok të veçantë rreth 5 kilometra larg kufirit.
Që prej ditës së djeshme, emigrantët, të veshur me pallto dhe batanije, u vendosën pranë pikës kufitare në pritje për të kaluar në Siri. Disa u ngrohën nga zjarret e improvizuara, ndërsa të tjerët mbetën në të ftohtë.
Pas kontrolleve në pikën e caktuar, sirianët e konsideruar të përshtatshëm për kalim janë drejtuar në portën kufitare. Shumë prej tyre u është dashur të kërkojnë strehim në Turqi që nga viti 2011 dhe tani duan të kthehen në rrugën e tyre.
Më herët, ministri i jashtëm turk Hakan Fidan tha në Konferencën e 15-të të Ambasadorëve se Ankaraja dëshiron kthimin e sirianëve.
“Ne do të vazhdojmë përpjekjet për të siguruar kthimin e sigurt dhe vullnetar të sirianëve dhe rindërtimin e vendit,” theksoi ai.
