Dhjetëra automjete luksoze janë sekuestruar në garazhin e presidentit sirian Bashar al-Assad, të cilat u braktisën kur ai dhe familja e tij ikën nga Siria. Pas arratisjes së Asad, opozita bastisi shtëpinë dhe pallatin e tij, duke sekuestruar dhjetëra automjete luksoze.
Imazhet e shpërndara në internet tregojnë koleksionin e madh, i cili përfshin Ferrari, Aston Martins, Rolls-Royces, BMW, Mercedes dhe atë që duket të jetë një Bugatti Veyron.
SUV, motoçikleta, dhe ajo që duket të jetë një kamion i blinduar ishin gjithashtu fotografi brenda garazhit.
Rebelët gjetën një ndërtesë me dysheme mermeri që mbulonte 510 mijë metra katrorë. Në mure ekspozoheshin piktura të shtrenjta dhe në një nga banjat u gjet një xhakuzi. Abu Omar, 44 vjeç, ishte një nga burrat që pa nga brenda pallatin.
“Erdha për hakmarrje. Na shtypën në mënyra të pabesueshme. Unë po bëj foto sepse jam shumë i lumtur që jam këtu në mes të shtëpisë së tij. Nuk ndjej më frikë. Shqetësimi im i vetëm është që ne të bashkohemi [si sirianë] dhe ta ndërtojmë këtë vend së bashku” – thotë ai.
Assad u largua nga Siria pasi grupet rebele bënë përparimin e tyre drejt Damaskut. Diktatori ka qenë në pushtet që nga viti 2000, duke marrë detyrën nga babai i tij Hafez-al-Assad. Kur nisën protestat e Pranverës Arabe në vitin 2011, Assad përdori brutalitetin dhe dhunën për të penguar grupet rebele dhe demonstratat antiqeveritare. ©LAPSI.al
