Pamjet e shqetësimit shëndetësor që goditi Edoardo Bove bënë xhiron e botës dhe tronditën botën e futbollit. Fatmirësisht, gjithçka duket se është zgjidhur në mënyrën më pak tragjike të mundshme, por pa dyshim ky episod ka shkaktuar dhe do të shkaktojë reflektime të thella. Është e vështirë të kuptohet se si atletë të këtij niveli mund të jenë viktima të ngjarjeve kaq dramatike ndërsa praktikojnë profesionin e tyre. Sidomos ata që supozohet të jenë nën kontroll të plotë dhe në gjendje fizike maksimale. Megjithatë, jo gjithmonë çdo gjë bëhet me kujdesin maksimal, siç ka zbuluar Ivo Pulcini, aktualisht përgjegjës mjekësor i Lazios, duke akuzuar edhe ish-drejtorin Igli Tare.
Akuza ndaj ish-drejtorit sportiv Tare
“Në vitin 2019, unë ekzaminova një lojtar shumë të rëndësishëm, i cili tani është shumë i suksesshëm dhe luan në këtë Serie A, por nuk e konsiderova të aftë për të luajtur futboll,” tha Pulcini në një deklaratë shokuese për gazetën Il Messaggero. Lojtari u ekzaminua tre herë në klinika të ndryshme, pasi ish-drejtori sportiv Tare e dëshironte me çdo kusht, por vendimi “jo” mbeti i palëkundur.
Lexo më tej: Video/ "Më merren mendtë", fjalët e Bove drejt pankinës para rrëzimit në tokë
Duke folur për rastin e Bove, Pulcini përjashtoi mundësinë e “një krize epileptike të papritur, nëse nuk ka pasur asnjë të tillë më parë. Ky problem, me një specialist dhe një procedurë të saktë, mund të mbahet nën kontroll. Nëse vërehen aritmi, duhen kryer disa teste si prova stresi, cikloergometri, elektrokardiogram, skaner koronar dhe rezonancë magnetike kardiake”.
Mjekët e Bove: "Nga infarkti në fushë në Careggi për 13 minuta"
Po nëse rezultatet janë negative? “Do të rrezikonte të mos mund të luante më në Serie A, por vetëm në disa kampionate jashtë vendit. Gjithsesi, më duket e çuditshme që këto probleme nuk janë zbuluar më parë nga testet e përshtatshmërisë me Romën. Kjo gjithmonë varet nga vlerësimet subjektive të mjekëve dhe përvoja e tyre në terren.”
Futbolli italian ende nën shok
Ndërkohë, Bove duhet të falënderojë shokun dhe bashkëlojtarin e tij, Danilo Cataldi, që i shpëtoi jetën me një manovër të mësuar pikërisht te Lazio. “Lazio e ka përfshirë këtë ndihmë të parë si pjesë të kulturës së përgjithshme për të gjithë lojtarët e klubit. Danilo ka një certifikatë ndërkombëtare nga Shoqata Amerikane e Zemrës (AHA) për të ofruar ndihmë në çdo situatë emergjente. Lazio ishte klubi i parë në Itali që zhvilloi kurse për reanimacion kardiopulmonar me përdorimin e defibrilatorëve.
Kemi nisur në vitin 2018 dhe i përsërisim çdo dy vjet për të përkujtuar teknikat dhe për të trajnuar çdo lojtar të ri. Shoqata jonë ‘Një zemër për të gjithë’ ka dhuruar defibrilatorë për lojtarët, përfshirë atë që skuadra ka në autobus gjatë udhëtimeve. Përveç kësaj, kemi bërë që Lotito të blejë një pajisje kardiologjike të quajtur Sistemi SDS (Sudden Death Screening), i cili parashikon, deri 10 vite përpara, vdekjen e papritur në fushë. Është thelbësore që të gjitha skuadrat të përfshihen për të pasur këtë pajisje,” përfundoi ai.
