Thiago Motta foli pas përfundimit të ndeshjes, ku Juventus barazoi në fushën e Lecce. Bardhezinjtë pësuan një gol nga Rebic në kohën shtesë, duke humbur mundësinë për të marrë tre pikë shumë të rëndësishme për renditjen. Trajneri bardhezi u shfaq i zhgënjyer dhe i trishtuar nga ky rezultat. Përpara se të analizonte ndeshjen, Motta komentoi edhe ngjarjen që ndodhi me Bove në ndeshjen Fiorentina-Inter: “Mendoj se është e tmerrshme të shohësh pamje të tilla – shpjegoi ai –. E vendos veten në vendin e nënës dhe babait të tij”.
Gabimi i Cambiaso
Në një intervistë për DAZN, trajneri shpjegoi se në pjesën e dytë skuadra e tij ra në lojë, duke i dhënë mundësi Lecce të dilte përpara: “Pësuam këtë gol në fund, por duhet të ecim përpara dhe të përgatitemi mirë për ndeshjen e radhës, duke menduar se në ndeshje të tilla duhet të përmirësohemi dhe të mendojmë pozitivisht.” Lidhur me golin e pësuar pas gabimit të Cambiaso, ai shtoi: “Andrea bëri një zgjedhje në atë moment, por golat vijnë nga gabime të vogla dhe sigurisht që ky gol në minutën e fundit mund të ishte shmangur.”
Lexo më tej: Video/ Edoardo Bove pëson krizë epileptike në fushë: ndërpritet Fiorentina-Inter
Në konferencën për shtyp, trajneri bardhezi përforcoi edhe një herë gjendjen e tij emocionale: “Pjesa e parë ishte e mirë, ndërsa në të dytën vuajtëm – shpjegoi Motta. – Sot duhet të kapërdijmë këtë barazim dhe të ecim përpara, duke u përgatitur mirë për ndeshjen e radhës, ku do të kemi mundësinë të marrim rezultatin që duam.” Ai foli gjithashtu për formacionin dhe situatën e sulmuesve, duke theksuar performancën e Weah, i cili po sakrifikohet si sulmues për shkak të mungesës së Vlahovic për shkak të dëmtimit, si dhe Milik, zëvendësuesit të tij.
Thiago Motta shpjegon pse Yildiz nuk luan si sulmues qendror
“Yildiz nuk luan si sulmues qendror, por mund ta bëjë këtë shumë mirë,” shpjegoi Motta duke iu përgjigjur një pyetjeje specifike mbi arsyen pse turku nuk luan në atë pozicion në sulm. “Ai mund ta bëjë këtë dhe e ka bërë për një periudhë dhe për një moment në ndeshjen kundër Lille – shtoi ai. – Sot e shoh më shumë në pozicionin aktual ku është, edhe pse kundër Lille në një moment të lojës ishte atje përpara në atë zonë të fushës, por Kenan mund të luajë si në krah ashtu edhe si sulmues qendror.”
