"Çfarë mendoj unë për Leao? Kush është? Një këngëtar?". Fjalë injoruese të shprehura nga Luis Enrique gjatë konferencës për shtyp në prag të ndeshjes së kampionatit me Monaco. E sidoqoftë, fraza të bën të mendosh se rruga e portugezit drejt Parisit është e mbyllur. Megjithatë, lamtumira e Kylian Mbappè në verë mund të shkaktojë një "efekt domino" të vërtetë në repartet sulmuese të gjysmës së Evropës dhe sulmuesi kuqezi është një nga emrat e mundshëm për të zëvendësuar francezin te Paris Saint Germain.
Natyrisht që fraza e shqiptuar nga trajneri spanjoll nuk ishte një gjykim ndaj portugezit Leao, por një demonstrim force ndaj parisienëve që po përgatiten për një verë veçanërisht të turbullt.
“E di kush është, por nuk flas për lojtarë që nuk i përkasin klubit tim. Vetëm di që nëse gjithçka shkon mirë, sezonin e ardhshëm do të kemi një ekip më të mirë se ai i këtij viti, në çdo aspekt, ofensiv, difensiv, taktik, për këtë nuk kam asnjë dyshim - shpjegoi Luis Enrique -. Luis Campos dhe unë flasim çdo ditë për të tashmen dhe të ardhmen e ekipit. Ajo që bëj si trajner është të përpiqem të marr maksimumin nga të gjithë lojtarët. Ajo që kërkoj gjithmonë është interesi më i mirë i skuadrës".
Lexo më tej:PSG, bëhet gati për të ardhmen pa Mbappé, synimi është Leao: klauzola është 175 milionë
Në pritje për të njohur të ardhmen e tij, Leao kishte shprehur tashmë dëshirën e tij për të qëndruar te Milan edhe vitin e ardhshëm. Kështu, nëse klubi parisien dëshiron të marrë Leao, do t'i duhet të bëjë gati rreth 175 milionë euro. Por me këto deklarata të Luis Enrique, vështirë se mes tyre do të mund të krijohet një feeling.
KRITIKAT MBI LUIS ENRIQUE
Një pengesë që sigurisht nuk është e lehtë për t'u kapërcyer, ashtu si kritikat e marra nga Luis Enrique për zëvendësimin e Mbappé kundër Rennes, ndërsa PSG ishte në disavantazh: "Mbappé u zëvendësua në minutën e 65'? Kylian unë e heq kur mendoj se është e përshtatshme. Është një reagim instinktiv pas ndeshjes. Por ky është realiteti edhe pse njerëzit mund ta interpretojnë. E rëndësishme për mua është që të kem qetësi shpirtërore për të kërkuar zgjidhjet më të mira për ekipin në cdo moment. Ajo që ka rëndësi gjithmonë është e tashmja dhe e ardhmja e afërt. Mbappé në kohët e Monaco? Ai ishte shumë i ri. Dikush e kuptoi shakanë time. Nuk mbaj mend shumë për të te Monaco, por e di që bënë gjëra të mira".
