Ekuilibër dhe emocione në Champions League. Inter mposhti 1-0 Atletico Madrid në ndeshjen e parë të 1/8 të Champions League, duke marrë një epërsi të vogël për kualifikimin. Në San Siro, zikaltrit krijuan disa raste shënimi me Thuram dhe Martinez në pjesën e parë, por pas dëmtimit të francezit i takoi Arnautovic të bënte heroin për teknikun Inzaghi. Pas disa gabimeve të bujshme, austriaku mori skenën duke shënuar golin vendimtar të 1-0 në minutën e 79' pas një pritje të Oblak ndaj Martinez. Në ndeshjen tjetër, PSV Eindhoven ndalon në një barazim 1-1 Borussia Dortmund, që kishte kaluar në avantazh me Malen, përpara se të arrihej nga penalltia e De Jong.
INTER 1-0 ATLETICO MADRID
Inter mori betejën e parë me Atletico Madrid, duke e mundur 1-0 në San Siro. Një sukses i merituar për skuadrën e teknikut Inzaghi që, në kontekstin e një ndeshje shumë të mbyllur para episodit vendimtar, kishte dy raste të mëdha, nga një në secilën pjesë, me Lautaro Martinez dhe Marko Arnautovic, që hyri në lojë në fillim të pjesës së dytë në vend të Marcus Thuram, të dëmtuar. E ishte austriaku që vendosi ndeshjen në minutën e 79'. Lautaro doli ballë për ballë me Oblak, slloveni zmbraps disi tentativën, por nuk mundi të bënte asgjë për goditjen e dytë të Arnautovic. San Siro shpërtheu dhe tani Inter duhet të mbrojë rezultatin më 13 mars në Madrid.
Lexo më tej: Më shumë ndeshje e spektakël: Uefa prezanton formatin e ri të Champions League
PSV 1-1 BORUSSIA DORTMUND
Në ndeshjen e parë të fazës së 1/8 të Champions 2023/24, mes PSV Eindhoven dhe Borussia Dortmund përfundoi në barazim 1-1 në Philips Stadion. Verdhezinjtë e zhbllokuan ndeshjen në minutën e 24' me ish-lojtarin e holandezëve Donyell Malen. Gjermanët, sidoqoftë, u kapën në minutën e 56' nga penalltia e Luuk de Jong. Barazim i mirë për gjermanët, në prag të ndeshjes së kthimit në shtëpi. Disa keqardhje më shumë për holandezët, të cilët dominuan në fushë për një kohë të gjatë mes pjesës së parë dhe të dytë. Gjithçka për kualifikimin është shtyrë për ndeshjen e kthimit mes PSV Eindhoven dhe Borussia Dortmund, pas 1-1 në Philips Stadion.
