Federica Pellegrini dhe bashkëshorti i saj Matteo Giunta kanë njoftuar në rrjetet sociale se janë bërë prindër. Ata kanë postuar një foto në të cilën pozojnë së bashku me vogëlushen e tyre të lindur në Verona. “Kanë qenë dy ditë të komplikuara... Më në fund erdhe”, ka shkruar çifti, duke ndarë të gjithë lumturinë e tyre me ndjekësit. Pasi ruajtën misterin për një kohë të gjatë, prindërit e rinj zbuluan edhe emrin e zgjedhur për vogëlushen, të cilën deri më tani të gjithë e njihnin si “Meringa”: quhet Matilde.
URIMET E BOTËS SË SPORTIT
Lajmi për lindjen e vogëlushes Matilde është pritur ngrohtë nga admiruesit dhe miqtë e çiftit. Ata kanë ndarë urimet dhe përgëzimet më të mira përmes komenteve në rrjetet sociale. “Çfarë spektakli” komentoi kampioni olimpik Gianmarco Tamberi. “Urimet më të mira” vijnë edhe nga Rossella Fiamingo, skermistja e fejuar me Paltrinierin, si dhe Massimiliano Rosolino. Në fundi, urimi ka ardhur edhe nga ish-i dashuri i notares Luca Marin, i cili komentoi me sy në formë zemre “Përgëzime”.
FOTO E PARË
Federica Pellegrini ka një fytyrë të lodhur teksa mban pranë vajzën e saj të porsalindur Matilde. Vogëlushes mund të dallohet vetëm koka e mbuluar nga kapuçi rozë, ndërsa Pellegrini ia mbulon fytyrën me dorë. Pranë tyre është Matteo Giunta me sytë që i shkëlqejnë. Buzëqeshjet e të dyve dëshmojnë për lumturinë dhe emocionin që më në fund u bënë prindër. “Faleminderit engjëjve që u kujdesën për ne gjatë këtij udhëtimi, Titty, Marcello, Giada, Alessandra, Massimo dhe gjithë ekipi në spitalin Sacro Cuore”, shkruan ata.
LINDJA U BË NË UJË?
Federica Pellegrini dhe Matteo Giunta e kanë cilësuar gjithmonë shtatzëninë e ish-notares si shumë të qetë dhe pa probleme të mëdha, duke paralajmëruar lindjen e Matilde. Megithatë, ata saktësuan se ishin dy ditë të komplikuara. A mund të ketë qenë një lindje në ujë si dëshironte Federica? "Do të doja. Është një mjedis që e njoh mirë, mbi të gjitha e di mirë mënyrën se si trupi im përshtatet me të", pati thënë ajo në lidhje me eventualitetin.
