Real Sociedad mposhti ngushtë (2-1) Sevilla, që e mbylli ndeshjen me 9 lojtarë. Në minutat e fundit, karton i kuq direkt për Sergio Ramos e Jesus Navas. Në veçanti, faulli i rëndë i ish-kapitenit të Real Madrid, që arriti kuotën e 30 kartonëve të kuq në ndeshje zyrtare. Asnjë tjetër nuk është ndëshkuar më shumë se ai.
Gjatë karrierës së tij, veçanërisht gjatë kohës së tij te Real Madrid, Sergio Ramos ishte i njohur për përjashtimin e rregullt nga fusha me karton të kuq. Në fakt, nga kthimi në futbollin spanjoll me klubin e fëmijërisë Sevilla në shtator, ai kishte shmangur marrjen e një të tilli... deri tani.
Në transfertën kundër Real Sociedad, Ramos – i cili tashmë kishte një karton të verdhë – ndërhyri rëndë ndaj Brais Mendez direkt mbi këmbën e mesfushorit. Fillimisht, arbitri i tregoi kartonin e dytë të verdhë, përpara se VAR të gjykonte se duhej të ishte një karton i kuq direkt. Kjo do të thoshte se Ramos iu tregua dy herë kartoni i kuq, edhe pse efekti nuk do të jetë i njëjtë.
Ramos, së bashku me disa nga shokët e tij të skuadrës, u nervozuan me vendimin dhe Jesus Navas gjithashtu u përjashtua për protesta. Kështu, Sevilla e përfundoi ndeshjen, të cilën e humbi 2-1, me nëntë lojtarë.
Lexo më tej:
Sergio Ramos kthehet te Sevilla pas 18 vjetësh: "E kisha detyrim ndaj babait tim e ndaj Antonio Puerta"
Me kartonin e kuq direkt të Ramos, nga dy të verdhë fillimisht, hapet rruga për një pezullim të shumëfishtë, që është gjëja e fundit që Sevilla, e cila ende nuk ka fituar në La Liga që kur Diego Alonso mori drejtimin e trajnerit, ka nevojë.
