Lamtumirë Terry Venables: Anglia humbet një nga trajnerët më ikonikë

Ai ishte një nga trajnerët më ikonë në futbollin anglez, një nga ata që kontribuan në evolucionin e "kick and rush", duke hedhur themelet që sollën Premier League në ballë të botës edhe nga pikëpamja taktike. Terry Venables është ndarë nga jeta në moshën 80-vjeçare, pas një karriere që mund ta kishte çuar atë në nivele më të larta se ato, sado të respektueshme, të arritura gjatë viteve të tij në pankinë. Pas një karriere të mirë si mesfushor (mes Chelsea, Tottenham, QPR dhe Crystal Palace) ai filloi të drejtojë në klubin Selhurst Park në 1976. Pikërisht atje, falë rezultateve dhe lojës së tij të konsideruar inovative, ai u evidentua duke fituar promovimin në divizionin e dytë (aktualja Championship). Dy vjet më vonë, ai bëri edhe kapërcimin në First Division (tani Premier League). Prej aty ai u transferua te QPR në vitin 1980. Brenda katër viteve ata arritën promovimin në ligën më të mirë në vitin 1983 dhe arritën një vend mahnitës të pestë, sezonin që pasoi. Për më tepër, në vitin 1982, ai udhëhoqi Queens Park Rangers, një skuadër aktualisht në divizionin e dytë, në finalen e FA Cup, të cilën e humbën në përsëritjen e sfidës kundër Tottenham.

LOJA MAGJIKE E ÇOI TE BARCELONA E ANGLIA

Cilësia e futbollit të tij e bind Barcelonën që ta punësojë Venables si trajner. Ai qëndroi për tre sezone dhe fitoi një kampionat spanjoll dhe një Kupë të Ligës. Sidoqoftë, ai humbi finalen e Kupës Evropiane të vitit 1986, me penallti kundër Steaua Bukuresht, pasi kishte eliminuar Juventus të Laudrup e Platini. Edhe në Katalonjë ai shfaqi futboll me vlerë estetike, me treshen e formuar nga Carrasco, Archibald dhe Marcos. Në shtator 1987, pas një viti të dytë radhazi pa fituar kampionatin, Venables u shkarkua. Muajin pasues ai u kthye në Angli për të menaxhuar Tottenham. Ai fitoi FA Cup dhe Charity Shield në 1991, duke prezantuar me futbollin e madh Paul Gascoigne. Venables u shkarkua në vitin 1993 dhe vazhdoi të drejtonte kombëtaren angleze, të cilën e udhëhoqi gjatë kampionatit evropian në shtëpi të vitit 1996. Edhe këtu ai ushtroi futboll sulmues (vetëm Ince mbulonte mesfushën, dy anësorë si Anderton dhe McManaman, plus Gascoigne pas Sheraer dhe Sheringham), por humbi me penallti në gjysmëfinale kundër Gjermanisë, atëherë kampione. Nga atje ai filloi një turne nëpër botë që e çoi atë nga Portsmouth në ekipin kombëtar australian, përpara një rikthimi te Crystal Palace e më pas Middlesbrough e Leeds. Ai e mbylli karrierën si bashkëpunëtor teknik i kombëtares angleze nën drejtimin e McLaren. Venables ndërroi jetë në moshën 80-vjeçare pas një jete në futboll dhe do të mbetet përgjithmonë një ikonë e një mënyre ofensive për të përjetuar futbollin.

The Club is extremely saddened to learn of the passing of former player and manager Terry Venables. Our deepest condolences are with Terry’s friends and family at this incredibly difficult time. In tribute, we shall hold a minute’s applause prior to kick-off and our players will… pic.twitter.com/ot67eolKJl

— Tottenham Hotspur (@SpursOfficial) November 26, 2023