Bordi Drejtues i Juventusit, i mbledhur sot nën presidencën e Gianluca Ferrero, i dha dritën jeshile rritjes së kapitalit aksioner me 200 milionë euro. Propozimi në fakt ishte bërë në fillim të tetorit në mbledhjen e mëparshme të bordit të drejtorëve. Nga analiza e situatës financiare, në datën 30 shtator, rezulton një humbje prej 75.1 milionë eurosh, “dukshëm më e lartë se pro-kuota e asaj që pritej për të gjithë vitin financiar”. Në sezonin 2022/2023 bilanci i Juventusit u mbyll me një humbje prej 123 milionë euro. Rritja e kapitalit duhet të kryhet afërsisht në tremujorin e parë të vitit 2024. Kështu lexohet në shënimin e klubit të Juventus.
Lexo më tej: Iku qejfprishur nga Torino, Conte: "Lamtumira nga Juventus është gjëja për të cilën pendohem më shumë"
Exor, aksioneri në mazhorancë me 63.8% të aksioneve, tashmë ka shprehur mbështetjen e tij për operacionin. Madje ka marrë përsipër të nënshkruajë pjesën e saj të rritjes së kapitalit. Për më tepër, Bordi Drejtues i Juventus, "duke marrë parasysh gatishmërinë e aksionerit Exor për të bërë një pagesë për një rritje të ardhshme të kapitalit, ka vendosur të vazhdojë me kërkesën për një pagesë fillestare" prej 80 milionë eurosh. Qëllimi është për të forcuar strukturën financiare të shoqërisë në pritje të ekzekutimit të rritjes së kapitalit”. Pagesa e parashikuar në ditët në vijim, “do të përbëjë një paradhënie mbi shumat e destinuara për rritjen e kapitalit që i përket Exor. E do të mbetet përgjegjësi ekskluzive e saj”. Mbledhja e aksionerëve të Juventus është thirrur më 23 nëntor në Allianz Stadium.
