Aventurë e keqe në Beograd për Adam Marusic gjatë pushimit ndërkombëtar. Ndërsa ishte në Serbi me skuadrën malazeze, mbrojtësit të Lazios iu desh të përballej me një sulm brutal. Të përfshirë në incident ishin edhe menaxheri i tij Uros Jankoviç dhe disa nga anëtarët e familjes së futbollistit. Ashtu si tha vetë menaxheri në faqen vijesti.me, mbrojtësi i krahut kishte ndërhyrë për të shmangur më të keqen.
Gjithçka ka ndodhur në fund të ndeshjes kualifikuese për Kampionatin Evropian 2024. Marusic vendosi të festonte ditëlindjen e tij të tridhjetë e një me nënën, gruan, motrën dhe menaxherin e tij në një restorant në Beograd. Pikërisht aty u rrethua nga keqbërësit në dalje të lokalit.
RRËFIMI I MENAXHERIT
"Ata më sulmuan mua, Marusic, gruan e tij dhe nënën e tij. Disa agresorë më goditën me armë në kokë dhe pjesë të tjera vitale të trupit. Më thyen mollëzën dhe këmbën e majtë. Më transferuan në Qendrën Klinike të Beogradit, ku u operova - tha Jankoviç -. Ne ishim të rrethuar nga disa makina. Shoferi im u përpoq të largohej, pastaj u godit nga një makinë që vinte nga ana e kundërt. Unë nuk munda as të hipja në automjet, u sulmova nga prapa".
Një nga agresorët më pas iu afrua Marusic duke i drejtuar "armën në kokë dhe në gjoks për ta penguar atë të më ndihmonte ndërsa më rrihnin brutalisht". Ata goditur gjithashtu edhe nënën e lojtarit e cila "u shty dhe u plagos". Hetimet e hapura nga policia serbe janë drejtuar ndaj djemve të Zvezdan Terzic, drejtor i përgjithshëm i Crvena Zvezda, i cili, siç shpjegohet nga faqja e internetit bnn.netëork, ka pasur disa konflikte me Jankovic.
Të dy me sa duket u njohën nga oficeri në një video të realizuar nga video survejimi. E më pas ata u morën në pyetje nga policia serbe dhe u deklaruan të pafajshëm. Ndërkohë, Marusic luajti rregullisht në ndeshjen e kampionatit kundër Sassuolo, duke marrë mirënjohjen e menaxherit të tij: “Adam është hero, pa të do të kisha rrezikuar jetën”.
