Max Verstappen i pamposhtur në gjuetinë e pole position të GP të Austrisë. E megjithatë, pas Red Bull të kampionit të botës, në startin e së dielës janë dy makinat Ferrari të Charles Leclerc dhe Carlos Sainz. Piloti nga principata (vetëm 49 të mijëtat prapa) do të nisë nga vija e parë përkrah holandezit. Shoku i tij spanjoll (+0.190) hap vijën e dytë. Pas tij është pozicionuar McLaren i Lando Norris, gjithmonë komod në Spielberg.
Provat zyrtare ishin të trazuara për një kohë të gjatë (sidomos në dy fazat e para) nga anulimet e vazhdueshme të kohëve. Mes të tjerëve, Sergio Perez po paguan çmimin, duke humbur aksesin në Q3 për të katërtin GP radhazi. Piloti duhet të dorëzohet për të parkuar RB19 e tij pranë "motrës më të vogël" Alpha Tauri të Yuki Tsunoda. Të dy janë renditur në vijën e tetë të startit në GP e Austrisë. Në fakt, do të jetë një histori krejt tjetër të shtunën e “blinduar” të formatit Sprint. Kjo garë parashikon një kualifikim specifik “Shooout”.
Lexo më tej: F1/ Verstappen bën çfarë do në Barcelonë: Red Bull dominon mbi Hamilton e Russell
Ndërkohë, Verstappen i shikon përsëri të gjithë nga lart poshtë, por Ferrari arrin t'i japë kualifikimeve një finale "drithëruese". Leclerc është vetëm dyzet e tetë të mijtat larg kreut me pilotin nga Monaco që në fund bëri më mirë edhe se shoku i skuadrës Sainz. Shpërthim i dyfishtë ferrarsit që jep shumë buzëqeshje në garazhin e kokëkuqes. Edhe pse dihet qartë se në ritmin e garës Ferrari po vuan jashtë mase këtë vit, për të mbajtur hapin e Mercedes dhe Aston Martin. Nga ana tjetër, Red Bull është padyshim dy ose tre hapa mbi të gjithë të tjerët. Ferrari do ta provojë, por të matesh me ta është pothuaj e pamundur.
