Nga konferenca e gjatë e prezantimit të Rudi Garcias, mbetën në mend dy gjëra. E para, që Napoli nuk do të donte të shiste Victor Osimhen. E dyta, që të gjithë e kanë një çmim. Ai i golashënuesit më të mirë në Serie A, natyrisht që është shumë i lartë. E, me sa duket, Aurelio de Laurentiis ka vendosur ta shesë për 150 milionë euro. Më saktësisht, diku mes 120 dhe 150 milionëve. Nën këtë shifër, napolitanët as nuk ulen rreth një tavoline për të folur për Osimhen. Çështja është se kjo shumë parash nuk i trembin ata që tashmë i kanë vënë syrin nigerianit. Nga Bayern Munich te PSG, duke kaluar nga Chelsea dhe Manchester United, askush nuk i ka prblem paratë. Katër fantastikët e parave presin lëvizjen e parë nga Roberto Calenda, menaxheri i lojtarit dhe nga De Laurentiis, pronari i kartonit të tij.
Të dy do të takohen shumë shpejt pasi, siç tha numri një i Napolit, javët e fundit ka pasur bisedime me Osimhen për rinovimin e mundshëm. Një pjesë e madhe e diskutimit vërtitet pikërisht rreth kësaj. Nëse kampionët e Italisë e vlerësojnë lojtarin të paktën 120 milionë, paga e re do të duhet të jetë në përputhje. Pra, nga 4.5 milionë neto në vit, kontrata duhet të rritet në 6. Vetëm se këtë shifër De Laurentiis në përgjithësi as nuk dëshiron ta dëgjojë. Por që me dekretin e rritjes do t'i kushtonte Napolit 8 milionë bruto. Jo pak, por as e pamundur për t'u përballuar.
Lexo më tej:“Nga rrugët e Nigerisë në librat e historisë”: mesazhi i Didier Drogba emocionon Osimhen
KUSH DO TA ZËVENDËSOJË?
Çështja mbetet gjithmonë ajo "vetëm nëse", që shoqëroi fjalët e AdL në konferencë. Vetëm nëse vjen një ofertë e çmendur. E çmendur për Italinë, por me sa duket jo për klubet e mëdha evropiane. Rreziku, nëse mund të përkufizohet si i tillë duke pasur parasysh arkëtimin e lartë, është që Osimhen të largohet vërtet në fund nga Napoli. Nëse nigeriani nuk luan asnjë ndeshje me titullin të qepur në fanellë, në vend të tij do të vijë David nga Lille. Ai është objektivi numër një dhe kushton deri tani rreth gjashtëdhjetë milionë. Pothuaj gjysma e asaj që të kaltrit do të përfitonin nga shitja e Osimhen. Me pak fjalë, sakrifica nuk do të ishte aq e dhimbshme...
