Nedim Bajrami, akoma ai. Mesfushori i Sassuolos ka shënuar golin e avantazhit për Shqipërinë, në tranfertën me Ishujt Faroe. Në minutën e 19' Bajrami ka përfituar nga një asist i Asanit për të mposhtur portierin Gestsson. E djathta e lojtarit kuqezi ishte perfekte në këndin ku portieri nuk mund të arrinte.
Bajrami shënon kështu golin e dytë radhazi pas atij kundër Moldavisë, në fitoren 2-0 në Tiranë. I ekzaltuar lojtari, që me Sylvinho po luan në pozicionin e tij të preferuar.
[video width="928" height="504" mp4="https://cdnimpuls.com/lapsi.al/wp-content/uploads/2023/06/Bajrami-gol.mp4"][/video]
Shqipëria mund ta mbyllte ndeshjen me golin e sigurisë, por Cikalleshi gaboi nga pika e bardhë e penalltisë. Një 11 metërsh i fituar nga vetë sulmuesi kavajas, që e mori vetë përsipër. Goditja e tij u devijua nga portieri Gestsson, që gjeti krahun e duhur.
[video width="928" height="504" mp4="https://cdnimpuls.com/lapsi.al/wp-content/uploads/2023/06/cika.mp4"][/video]
