Yuri Kim ka ndërprerë turin e falenderimeve që po i paraprin largimit të saj nga Shqipëria për të reaguar për lirimin e parakohshëm nga burgu të Saimir Tahirit. Përmes një postimi në rrjetet sociale, diplomatja amerikane kërcënoi se ata që ndihmojnë miqtë për të shmangur drejtësinë do të kenë pasoja.
Saimir Tahiri i lirë/ Manovra me fëmijët që e shpëtoi nga burgu
“Shumë zhgënjyese të shohësh se mënyrat e vjetra të mosndëshkimit dhe privilegjimit për disa vazhdojnë në sistemin e drejtësisë. Këto mënyra të vjetra nuk janë të përshtatshme për një aleat të NATO-s dhe aspirantëve të BE-së dhe ato duhet të refuzohen me vendosmëri. SHBA e konsideron korrupsionin si një kërcënim thelbësor të sigurisë kombëtare. Ata që merren me dhënien ose pranimin e kërcënimeve dhe nxitjeve – për shembull, për të ndihmuar miqtë e fuqishëm – duhet të kuptojnë se veprimet e tyre do të kenë pasoja”, shkruan Kim në Twitter.
Gjyqtarja që liroi Tahirin nga burgu kaloi vetingun vetëm 4 ditë më parë
Vendimi per lirimin nga burgu u mor sot, dhe ish ministri i Brendshëm Saimir Tahiri do ta kalojë kohën e mbetur të dënimit në shtëpi. Tahiri është dënuar me 3 vjet 4 muaj burgim, nën akuzën e “shpërdorimit të detyrës” dhe shumë shtete aleatë të Shqipërisë e kanë kërkuar ndëshkimin e tij me këmbëngulje.
©Lapsi.al
